6 кастрычніка група БД-1  з куратарам Браніцкай М.К. наведалі  прыватную карцінную галерэю Кастуся Качана. 

Разам з выкладчыкам каледжа Наталляй Іванаўнай Чарняўскай дзяўчаты здзейснілі займальную вандроўку ў гісторыю беларускай правінцыі. Галерэя ўразіла непаўторнымі пейзажамі і нацюрмортамі,  вобразамі спакойнага жыцця беларускіх мястэчак на фоне помнікаў архітэктуры.  Дзякуючы творчасці  Кастуся Качана  навучэнкі  адчулі шум асенняга лісця і крык адлятаючых птушак,  усміхнуліся ласкаваму сонейку,  удыхнулі марознае паветра і пакаталіся на санях з горкі.  Усім спадабалася багатая калекцыя шкла, мэблі і прадметаў побыту мінулых часоў, сабраная жонкай мастака Жаннай Леановіч.

Сапраўды, мастацтва - гэта цуд, магчымасць убачыць чароўнае ў простым!